توته الصعنونه
03-06-2003, 03:27 PM
السلام عليكم ورحمه الله وبركاته
شلونكم شخباركم ان شاء الله بخير
ذهبت مع امي لزيارة احدى قريباتنا << ايووووووه يالفصحى .. وعندما وصلنا لمنزلها طقينا جرس الباب << احلفي .. وفتحت لنا الباب الخدامه وقلنا لها ويرز ماما << يعني ماما هنيا بالالماني .. وجتنا مامتها وقلطتنا بالصاله ونلقى حريم << اجل شنو بتلقين ..
ونسلم عليهم ونصهم اعرفهم والنصف الاخر مااعرفه ونقعد وناكل من هالحلو ونتقهوى من القهوه اللي مافانت ويازين الحلو عندها زيناااه ابقول لامي تدق عليها وتسألها من وين شاريته .. وعقب ماخلصت من شرب القهوه لفت انتباهي العجوزتين اللي قاعدين بجانبي ومن زين حظي طلعا سياسيتين وعاد تعرفوني انا والسياسه مان توالم اهي بصوب وانا بالصوب الثاني << تتبع سياسة ابعد عن الشر ياعمري وغنيلووووووووه .. المهم ما اطول عليكم قعدن العجايز يتجاذبن اطراف الحديث::::وهنيه قطيت اذني عندهم
العجوز الاولى : انتم وش سويتم عسى زهبتولكم غرفه ولزقتوها وحطيتم فيها الماااا والحليب والخبز والفحم .. الخ
العجوز الثانيه : ماسوينا شي جهدي اصيح على عيالي اقول ابكم خلونا انجهزلنا غريفه وبغير يضحكون الخبول علي ويقولون ماصيرن شي .
الاولى : لا وانا اختج الحرب قايمه قايمه بوش يقول ماجيت انا وقواتي الا بنهي الحرب باللي هيبه
الثانيه : ماسمعتي وش يقولون بالاخبار << بدينا بوكاله يقولون
الاولى : لا وش يقولون
الثانية : صدام قال لبوش تعال بنتهرج شوي وقاله بوش لا ماني جايك الحرب هي اللي بينا << ايه صدام عازم بوش على شاي الضحى
الاولى : اشوى انه ماجاه بيسويله سحر وهو الضعيف الامريكي مايعرف السحوره << والله الضعيف انتن
الثانيه: ماشفتي صدام امس على الجزيره << ياولد يتابعن الجزيره
الاولى : اقلعيها عني تسذبه << عائده على الجزيره وتقصد انها قناه كاذبه
الثانيه : مايجيب الاخبار الا هي امس مطلعه صدام متفشل ووجهه مايجيله طخه << يعني صفعه تعجبني الترجمه من الالماني الى الاسباني هههههههااي
الاولى : لا ماهمه يتكلم بركاده ولا عليه من احد ويقول الامريكان جوني وفتشوني وماخلو متسان مااندعسوا ودوروا فيه ومالقوا عندي لوون .
الثانيه:ايه الامريكان بيتولون العالم << وجهه نظر
الاولى : خليهم يتولون العالم ويفكونا من صدام << لاتعليق
الثانيه : ياويلي يالخبيله مغطينكم قديع (( تصغير لكلمه قدوع)) << تحليل سياسي عجييييب بس اذا احنا القدوع منو القهوه
الاولى : انا مادابلن تسبدي وفاقعن مرارتي الا لبنان << اخص يالسياسيه جابت لبنان
الثانيه : ماشفت الاخبار اليوم وش مسوين << سالفت لبنان صارلها سنه وشدخل اخبار اليوم
الاولى : مغظورين الشباب يوم دخل صباح لماخوذهم مدري وش يسمونه اللي يجتمعون فيه الامرا قالوا له اطلع اطلع برا ويزعل ويقوم ويجمع ربعه ويركب طيارته ويجي << كانت هي اللي تسوق الطياره
الثانيه : ياويلي اجل هم ماهم معناااااا ؟؟؟؟؟
الاولى : لا حاشمين لصدام
وهنيه امي نادتني نبي نروووح وقبل لا اروح قلت للعجايز ماسمعتوا شيقولون الضربه يوم الاثنين الجاااااي << ماتقدر لازم تشارك بالحديث
واقوم بسرعه وأخليهن قبل لايستلمني بعدين ماافتك منهن بس خايفه لاينشرون الخبر ويحطون عليه بهارات ويقولن بنت ام فلان اهي اللي قالتلنا الخبر .
تنويه : اذا سمعتوا من مراسلات الجزيره ان الضربه يوم الاثنين لا تصدقون تراها اشاعه مصدرها مني .اقتضى التنويه .
ملاحظه : هذا بعض الحديث والباقي حذفته حرصا على امن المنتدى
بايووووووووووووووووووووووووووو
تحياتي
...توته الصعنونه...
شلونكم شخباركم ان شاء الله بخير
ذهبت مع امي لزيارة احدى قريباتنا << ايووووووه يالفصحى .. وعندما وصلنا لمنزلها طقينا جرس الباب << احلفي .. وفتحت لنا الباب الخدامه وقلنا لها ويرز ماما << يعني ماما هنيا بالالماني .. وجتنا مامتها وقلطتنا بالصاله ونلقى حريم << اجل شنو بتلقين ..
ونسلم عليهم ونصهم اعرفهم والنصف الاخر مااعرفه ونقعد وناكل من هالحلو ونتقهوى من القهوه اللي مافانت ويازين الحلو عندها زيناااه ابقول لامي تدق عليها وتسألها من وين شاريته .. وعقب ماخلصت من شرب القهوه لفت انتباهي العجوزتين اللي قاعدين بجانبي ومن زين حظي طلعا سياسيتين وعاد تعرفوني انا والسياسه مان توالم اهي بصوب وانا بالصوب الثاني << تتبع سياسة ابعد عن الشر ياعمري وغنيلووووووووه .. المهم ما اطول عليكم قعدن العجايز يتجاذبن اطراف الحديث::::وهنيه قطيت اذني عندهم
العجوز الاولى : انتم وش سويتم عسى زهبتولكم غرفه ولزقتوها وحطيتم فيها الماااا والحليب والخبز والفحم .. الخ
العجوز الثانيه : ماسوينا شي جهدي اصيح على عيالي اقول ابكم خلونا انجهزلنا غريفه وبغير يضحكون الخبول علي ويقولون ماصيرن شي .
الاولى : لا وانا اختج الحرب قايمه قايمه بوش يقول ماجيت انا وقواتي الا بنهي الحرب باللي هيبه
الثانيه : ماسمعتي وش يقولون بالاخبار << بدينا بوكاله يقولون
الاولى : لا وش يقولون
الثانية : صدام قال لبوش تعال بنتهرج شوي وقاله بوش لا ماني جايك الحرب هي اللي بينا << ايه صدام عازم بوش على شاي الضحى
الاولى : اشوى انه ماجاه بيسويله سحر وهو الضعيف الامريكي مايعرف السحوره << والله الضعيف انتن
الثانيه: ماشفتي صدام امس على الجزيره << ياولد يتابعن الجزيره
الاولى : اقلعيها عني تسذبه << عائده على الجزيره وتقصد انها قناه كاذبه
الثانيه : مايجيب الاخبار الا هي امس مطلعه صدام متفشل ووجهه مايجيله طخه << يعني صفعه تعجبني الترجمه من الالماني الى الاسباني هههههههااي
الاولى : لا ماهمه يتكلم بركاده ولا عليه من احد ويقول الامريكان جوني وفتشوني وماخلو متسان مااندعسوا ودوروا فيه ومالقوا عندي لوون .
الثانيه:ايه الامريكان بيتولون العالم << وجهه نظر
الاولى : خليهم يتولون العالم ويفكونا من صدام << لاتعليق
الثانيه : ياويلي يالخبيله مغطينكم قديع (( تصغير لكلمه قدوع)) << تحليل سياسي عجييييب بس اذا احنا القدوع منو القهوه
الاولى : انا مادابلن تسبدي وفاقعن مرارتي الا لبنان << اخص يالسياسيه جابت لبنان
الثانيه : ماشفت الاخبار اليوم وش مسوين << سالفت لبنان صارلها سنه وشدخل اخبار اليوم
الاولى : مغظورين الشباب يوم دخل صباح لماخوذهم مدري وش يسمونه اللي يجتمعون فيه الامرا قالوا له اطلع اطلع برا ويزعل ويقوم ويجمع ربعه ويركب طيارته ويجي << كانت هي اللي تسوق الطياره
الثانيه : ياويلي اجل هم ماهم معناااااا ؟؟؟؟؟
الاولى : لا حاشمين لصدام
وهنيه امي نادتني نبي نروووح وقبل لا اروح قلت للعجايز ماسمعتوا شيقولون الضربه يوم الاثنين الجاااااي << ماتقدر لازم تشارك بالحديث
واقوم بسرعه وأخليهن قبل لايستلمني بعدين ماافتك منهن بس خايفه لاينشرون الخبر ويحطون عليه بهارات ويقولن بنت ام فلان اهي اللي قالتلنا الخبر .
تنويه : اذا سمعتوا من مراسلات الجزيره ان الضربه يوم الاثنين لا تصدقون تراها اشاعه مصدرها مني .اقتضى التنويه .
ملاحظه : هذا بعض الحديث والباقي حذفته حرصا على امن المنتدى
بايووووووووووووووووووووووووووو
تحياتي
...توته الصعنونه...