(بص شوف علاوي بيعمل ايه) [الأرشيف]

عاشق الجهاد

02-10-2003, 06:44 AM

بسم الله والصلاه على رسول الله سيدنا محمد وعلى اله وصحبه ومن والاه وبعد:السلام على من امن بالله ورحمه الله تعالى وبركاته تعالى اهلا وسهلا بكل من قرا مقالتي التي اروي لكم وبطلها اخي الفذ والعزيز علاوي اللي يضحك وهو هاوي تبدا حياته اصباحيه بسطحه متربع عند حمامه وهن يسطرنه باجنحتهن وهو عم جد ابوي كاشر لاقلناله ياخ وشبك كشرتك من ابها الى لندن يقول:ماسمعتو بالمثل (من حبك دبك)من زود حبهن لي وجهي تمخش(تمخش بالانجليزي يعني تجرح<<عندها سبع لغات)عاد تطلعه امي غصب عنه علشان يفطر وهو على الفطور يبدا عاد يروقص على قلوبنا مصري وينشد (وحايل دياري وحايل دياري ودار الكرم والجود و..هلا هلا ورا ورا)عاد تعال شوف عمر اخوي يطلع له قرون من الحمق يقول :ياربي اول مره اشوف انشوده يرقص عليه لا ومصري بعدالمهم اخوي الفذ والفريد من نوعه(صارت دعايه فيري)يروح للمدرسه بعد عنا من تدوير شماغه وكتابه واذا رجع من المدرسه قبل مايتغدا يفك كشرته يقول :يبــــــــــــــاه معاذ العامر عطاني كف عاد ابوي يقول ليش ياوليدي يكشر قائلا لاني اكل فصفص بحصته سمالله يبه اول مادخل قال علي طلع الخمس حبات الي بدرجك وعييت وعطاني كف وطردن ..عاد ابوي يعطيه كفوف ليما يتملع وعلي ماهو حولك قاعد يغني تقل ينش عليه ابوي.بعد العصر يمر علي على غرفتي ويعطيني كفين لحد ماقوم واذا ماقمت يقول :جاك الموت ياتارك الصلاه يصف عندي من هالساعات ويكب علي صطل ماء ويقضب شوشتي ويقعد يدور بي بالدار ليما اموت عاد انا تادبت صرت خلوقه بس اذا سمعت صوته افز واحب راسه,وفي يومن من الايام كان فيه مباراة للاتحاد(فريقه المفضل)مع الهلال علي من قبل مايأذن وهو قاعد عند التلفزيون وماسك صفيرا وعاصب راسه بعصابه صفرا لحد ماتطلع عيونه(واللي يبييشوف شكله يلقاه على الموقع(com.وش تشتهون.www))ويرقص مصري ويقول: اوه يالاتي اوه يالاتي وتبدا المباراة ويفوز الاتي على الهلال4/0 وينقز هاكالنقزه علي وقعدنا شهر ندوره وبالنهايه لقيناه لاصق بالسقف وتجيب ميمتي السلم ومحكاكة الرغيف وتقشره الاوجهه:eek: (عادي الواحد يبالغخصوصا اذا خرف)المهم وبعد العشا يباشر علينا علي بحلاو مصاص ابو ربع(كريم بسم الله عليه عظيم الاسم لا ومن الكرم يقول الي يخلص من حلاوته يعطيني علكه) ومانمنا ذيك اليله منه يامال الصلاح طلع ارواحنا قل ماهجدنا ونمنا قام وقعد يترقص مصري يقول:يامال الخير يالاتي يامال الخير يالاتي(وخيي فيه عرق مصري بس ماهو طالع الابالرقص لاحمار لازغار لاشطاره)وتعود الكره ويصبح اخينا العزيز وتعود مغامراته الله يقدرنا اكتبها لكم واتمنى ماكون طولت عليكم واتمنى اكون رسمت ابتسامه على وجيهكم (اما انا بيدبغن علي الليله الله يستر بس)وشكــــــــــــــــــــــــرا

ملاحظه :عشان فواتيركم وعشان ماتدعون علي اقطعو الاتصال وانتم تقرون :D

جرووووووووووووووووح اللي جرحه مايطيب ولا يروح