موقف محرج..........؟

[بدوي]

أعزائي الاعضاء انا صراحه صار لي موقف محرج مررررررره واتنمى اقوله لكم ...

بس علشان ماتضحكون علي انا بس فكرت بشي ....الاوهو ان كل واحد منكم يدخل ويقرا الموضوع يقول اقوى موقف محرج مر عليه.... اوكى... وعد...انا بقولكم الي صار معي بس اتمنى كل واحد منكم يشاركني...


انا كنت مسافر لاحد المدن في العطله الصيفيه الماضيه وكان لي اخ يسكن بنفس المدينه لكنه كان في اجازه وجاء عند اهلي في الاجازه المهم انا رحت لهذي المدينه وطبعا لازم اسكن في شقه قلت بدل مااستاجر شقه اسكن في شقة اخوي اللي كانت فاضيه في هالوقت طلبت من اخوي المفتاح قبل مااسافر واعطاني اياه ورحت للمطار ويوم وصلت الحمدلله على سلامتي .. رحت ادور على لموزين(تكسي)..(اجره) علشان يوصلني للشقه..المهم لقيت لي زول مسكين وشكله طييب وراعي سواالف وانا احب اسولف اذا ركبت السياره مرره مااحب اسكت...وركبت وقلت له توصلني للمكان الفلاني قال اااي وركبت وخذتنا السوالف (والله سوالفه تعجبكم) بالسودان وبالسعوديه ودخلنا(بالسياسه) المهم جبنا العيد عاد يوم وصلنا سلمت عليه وعطيته حقه ونزلت...ويوم جيت عند باب الشقه علشان افتح الباب...مالقيت المفتاح..لاني كنت ناسيه في الدرج اللي بالوسط بين المرتبتين حقات السياره..(احب انزل كل اللي في جيبي اذا ركبت السياره) بس مانسيت الجوال اشواا...ماطول عليكم اللموزين وراح وانا جلست عند باب الشقه مافي احد يفتح لي لان مافي مفتاح....طبعا وش اسوي...رحت دبرت لي واحد يكسر الباب...ويجيب قفل جديد وركبت قفل جديد للباب......بس بعد ماجلست 10 ساعات واقف على رجولي.. طبعا اخوي مادرى بالموضوع............وهذي كل السالفه

انا صراحه جبتها عبره لكم علشان تتاكدون من اغراضكم خاصه في مثل هالمواقف...........

من جد اسف على الاطاله بس هذا انا مااعرف اقول السالفه الا لازم امطمط فيهااااا...

اتمنى مشاركتكم.........وشكرا لكم



بدوي.......القرقه....

[رفـ الليل ـيق]

اشكرك اخوي بدوي على هالموضوع الرائع واناااااا بصراحه مدري ووش اقرب موقف حصلي
اصبر شوين خل اتذكر...
ايه بسم الله ياطويل العمر مررره من الممارير قالي عمي ابغاك توديني للمطار ابي اسافر قلت سم ابشر
المهم انا وديته للمطار وقااال لي خذ سيارتي ووقفه عند البيت قلت خلاص بس فيه احد البيت قااال لا انا وديت اهلي لم اهلهم قلت خلاص قال مع السلامه قلت هلا والله المهم انا رحت لم بيته علشان اوقف سيارته عند البيت انا وواحد من الشباب المهم انا دخلت سيارته داخل البايكه (الحوش) ودخلته وسكرت الباب علشان اطلع من عند الباب الثاني المهم البيت كان مطفيات انواره وفجأه التفت ورعيت للباب الداخلي واراعي يمار هاك الزول اللي خلانن انجن وانا (اهج) اي اهرب من عند الباب وانا اجي لم اللي كان ينتظرن عند الباب وانا اجي لمه وانا اقوله السالفه قال لا معليك انت يتهيألك قلت امش وشف قال امش المهم وحنا نقز وانا اشوف الزول وانا ارجع وانجن واسمع صوت يناديني (فلان) قلت وشو هذا طبعآ عمي قال البيت مافيه احد وانا اجي قلت من انت قااال هو انت من انت
وانا اراعي آخيرآ طلعت شغالت عمي جايه هي واهل عمي منزلهم اخوهم عندهم شغل وهذه قصتي المضحكه

آسف على الاطاله لكن اعذروني هذا المطلوب مني في هذا الموضوع

تحــيـاتــي
رفــ الليــل ــيق،،

[بدوي]

افااااااااااااااا افااااااااااااااااا افاااااااااااااااااااااااا


ماهي الهقووه يارفيق الليل تخاااااااااف من شغااااااله .........



اشكرك اخوي على مشاركتك الحلووه..........

[ســـاعي البريد]

العفو:rolleyes:

[ســـاعي البريد]

او ماهو انا :confused:

[ابو مضاوي]

يسلمو اما اناااااااااا عد وغلط من المواقف المحرجه كثيره بس انا صراحه هي الطامه هذي
شف يطويل العمر اول مبديت اسوق السياره ياحبي لدوجه والتهريب من المدرسه الوكاد على طلعت المدارس اك اليوم عاد انامعي الجمس عبارتين موديل 78 حق البيت عاد لاتشمت انت وياوه
عاد تخبر هنوعيه عبارتين وابي اسوي زحمه الوكاد وانا ادعس اك ادعسه انواع اصوات الشكامين الدخنه يوم وصلت اخر اشارع يوم دخنت المكينه وفور الاديتر العالم من عندي تظحك ولله صرحه متمنيت هلموقف بس غصب ومن عقبه عقلت عن التميلح..
ودمتم

[المطفـــــوق]

خخخخخخخخخخخخخخخخخخخخخخخخخخخخخخخخخخخخخخخخخ


بس فعلا اهم شي الاخلاق وجمع الطوابع هع هع هع هع هع

تكبر وتنسى

[^&^المهستر^&^]

والله أني ماقريت وش أنت كاتب بس أحس أنه مشحك هههههههههههههههههههههه وتسلم على الموضع اللي شكله حلوو

ودمتم سالمين؛؛؛ *&*المهسترررررررررررررررر*&*:D:D

[الــفـــهـــد]

أنا أقولكم وش صار علي

مره كنت بالمدرسه بدرس الرياضيات وأنا معصب على الي وراي يوم نغزني بالقلم
وأنا أقوم عليه وأضربه جاء الاستاذ قالي ليش تضربه قلت له هو الي كان يضربني
بعدين قعدت شوي يوم قال الأستاذ للطلاب أني أنا نفسيه
جيت رديت عليه قلت :: نفسيه بعينك إنشاء الله
بعد ماطلع الدرس رحت لم الفصل الثاني علينا تفسير بالدور الأول
وأنا أمشي طحطت من الدرج على ظهري
وأقوم واروح لم الفصل بسرعه
على شان ما أحد يشوفني ويقعدو يضحكو علي
وبعدين أخذت من واحد بدرس التفسير منديل
يديني صبن دم شوي

وهاذا هو الي صار لي يوم الأربعاء


:p:p سلامتكم